Um mig
.png)
Sigríður Karen Bárudóttir, Cand.psych
Sérfræðingur í klínískri sálfræði og réttarsálfræði EMDR þerapisti
Starfsreynsla, menntun og þekking
Sigríður Karen sinnir meðferð fullorðinna, handleiðslu fagfólks og einnig sinnir hún meðferð ungmenna frá 16 ára aldri gegn tilvísun frá Sjúkratryggingum Íslands.
Karen eins og hún er iðulega kölluð lauk stúdentsprófi af listasviði Fjölbrautaskólans í Breiðholti árið 1991, B.A. prófi í sálfræði frá Háskóla Íslands árið 2003 og cand.psych prófi í sálfræði frá sama skóla árið 2005.
Karen hefur starfað sem sálfræðingur frá 2005 og rekið eigin sálfræðistofu samhliða störfum hjá Landspítalanum frá 2008. Hún hefur mjög fjölbreyttan bakgrunn og starfsreynslu sem nýtist vel þegar mæta þarf ólíkum þörfum skjólstæðinga.
Meðferð
Að byrja í sálfræðimeðferð
Þar sem mörgum þykir erfitt og kvíðavænlegt að hugsa til þess að fara til sálfræðings þá eru hér upplýsingar sem ættu að nýtast við að skilja hverju er von á þegar mætt er í fyrsta skipti til mín.
Fyrsti tíminn hjá sálfræðingi
Í fyrsta skipti sem þú kemur legg ég áherslu á að fá upplýsingar frá þér. Ég munum biðja þig að segja mér hvers vegna þú ákvaðst að leita til mín, hve lengi vandinn hefur staðið yfir og hvernig hann truflar þitt daglega líf. Ég mun einnig biðja þig um að gefa mér upplýsingar um þig sem skipt geta máli fyrir meðferðina og ýmislegt sem gæti verið að viðhalda vandanum hjá þér.
Meðferðarleiðir
Í lokin förum við yfir hvaða meðferðarleiðir við sjáum sem valmöguleika fyrir þig. Lítist þér á það sem lagt er til þá finnum við annan tíma áður en þú ferð.
— Sigríður Karen Bárudóttir, sálfræðingur og EMDR meðferðaraðili
Þjónusta
Ég legg áherslu á hlýlegt og traust umhverfi þar sem ég veiti einstaklingum og hópum sérhæfða sálfræðimeðferð. Hjá Sálfræðisetrinu býð ég upp á faglega meðferð samkvæmt klínískum leiðbeiningum þar sem það á við í þægilegu umhverfi á góðum stað í Kópavogi. Meðferðin byggist á einstaklingsbundnu mati á vanda hvers og eins og góðri samvinnu þar sem virðing og trúnaður er í fyrirrúmi. Fullrar nafnleyndar er gætt.
Verð á sálfræðitíma
Sálfræðitími er 50 mínútur og kostar 18.000.- krónur og handleiðsla 18.500. Gjaldið fer eftir hvort um meðferðartíma eða handleiðslu er að ræða. Þú getur borgað með reiðufé, Pei eða Visa og Mastercard greiðslukortum og þú færð að sjálfsögðu greiðslukvittun. Athugaðu að ég fer fram á staðgreiðslu nema að annað sé umsamið áður en meðferðartíminn hefst.
Afbókanir
Tíminn er frátekinn fyrir þig og því ert þú beðin(n) að afbóka eða gera breytingar með sólahrings fyrirvara svo að gjald falli ekki á þig ef þú kemst ekki. Ef þú nærð ekki að afbóka í tíma færðu sendan reikning í heimabankan þinn fyrir upphæð viðtalsins. Þú getur afbókað/breytt með tölvupósti eða hringt í síma 537 3033.
